| Noteringar |
- ØPeder Lauritsen, er prest i Finnås i 1563. Han svara då helvta av innkoma si det året i skatt, 16 rdl. 2 ort og 14 skill, og 2 lodd sylv, som var verd 2 rdl. Truleg hadde han ikkje meir reide pengar meddi han betalte med sylv. I 1569 var han tilstades ved ein synode i Bergen. Kona er ukjend. Kjende born: a. Helge, g. Håvik, ytre (nr. l). b. Daniel, prest etter faren. c. Anders, g. Håvik, indre (nr. 7). d. ei dotter, g. i Børøyno. Rekkefylgja på borna er ukjend.
samme side:
Sokneprest til Finnås 1522. 'her laffritz wtjfindoess' (d.e. herr Laurits i Finnås). Han betalte tredjepenningskatten i 1522, med 14 mark pengar, som var tredjeparten av alt gods han åtte, laust og fast. Herr Laurits er innførd i skattemanntalet mellom prestane i Stavanger stift. Grunnen til det er truleg at han har ått jordegods i Ryfylke, som han skatta for. Truleg var det noko av same jordegodset sonasonen, herr Daniel Pedersen, åtte. Dette peikar iretning av at ætta var frå Ryfylke. Han var truleg far til ettermannen i embetet.'
|
